56.Þáttur - Alvarleg Þjóðarsál

Vertu besta útgáfan af sjálfum þér ! Endalínan er mætt beint úr WhiteFox Stofunni í alveg fordæmalausu stuði  á þessum dimmu tímum. Við vöðum í stóru málin í boltanum með léttu Þjóðarsálar þema. Þjálfararnir Finnur Freyr og Hrafn Kristjáns taka stöðuna á Covid pásunni og æfingaleysinu - þarf að skilgreina afreksstarfið betur ? Á að leyfa mönnum að æfa ? Mögulega mikilvægt fyrir mótið að ná inn jólatörn ? Eru 1.deildirnar minna afreksstarf ? Við förum yfir þessi mál með þeim en þjálfarar liða í Dominos deildum karla og kvenna sendu erindi til stjórnvalda á dögunum sem var slegið af borðinu. Þjóðarsálin fer síðan alla leið á Austfirði og tekur Lagarfljótsormurinn Sigurður Gunnar Þorsteinsson spjallið við okkur um risastórann sigur í máli hans gegn Körfuknattleiksdeild ÍR - RISA sigur fyrir Sigga og mjög stór dómur inní íslenskt íþróttalíf sem á klárlega eftir að hafa meiri áhrif í framtíðinni. Þetta og svo miklu meira , Kalda spurningin og klefasögur í boði Kalda Bruggsmiðju & White Fox á PodcastStöðinni.