42. Þáttur - Götuslúður vol 2. - Viðtöl við Jón Axel og Martin Hermannsson

Endalínan er mætt aftur með eldheitt götuslúður og fer yfir það sem búið er að gerast og það sem er líklegt að gerist og lesum í stöðuna eftir því. Kvennakarfan í KR , Böddi formaður ekki með allt á hreinu ? Fer Gerald í Keflavík ? Verður íslenskt big man camp í Ólafssal ? Nóg til af peningum í Skagafirði ? Baráttan um Vatnsmýrina , KR og Valur að berjast um stóra bita ! Allt þetta og aðrar óábyrgar fabúleringar ásamt því að við tökum stöðuna á Jóni Axeli frá Davidson þar sem hann er að æfa á fullu og koma sér á framfæri við NBA lið en NBA draftið fer fram þann 25.júní nk. Að lokum ákváðum við að reyna við smá leynigest og hringdum í Martin Hermannsson sem er með liði sínu Alba Berlin í undirbúning fyrir hraðmót til þess klára þýsku Búndeslíguna. Martin , sem er klárlega einn mesti aðdáandi Endalínunnar , var á léttu nótunum og fór yfir hlutina og hvernig framhaldið blasir við þessum besta körfuboltamanni okkar Íslendinga um þessar mundir. 
Endalínan í boði BudLight og WhiteFox á PodcastStöðinni !