Frásagnir Guðmundar Jónssonar frá Húsey af förufólki

Guðmundur Jónsson frá Húsey var bóndi í Héraðsflóa. Hann flutti bláfátækur til Ameríku í byrjun 20. aldar og skrifaði endurminningar sínar í blaðið Lögberg. Guðmundur sagði m.a. frá förufólkinu sem var frægðarfólk síns tíma í hinu fábreytta íslenska samfélagi. Hann sagði frá Sigurði silkiblöðku, sem var gildur bóndi annars staðar á landinu en fór um Austurland og þóttist vera fátæklingur og betlaði, frá Önnu Erlendsdóttur húsgöngu, frá Halldóri Hómer og Gilsárvallla-Gvendi. Umsjónarmaður gluggar líka í frásögn skáldkonunnar Erlu (Guðfinnu Þorsteinsdóttur) af Gvendi þessum. Merkilegar frásagnir sem gefa ómetanlega en stundum nöturlega mynd af íslensku samfélagi. Umsjón: Illugi Jökulsson.