Guðrún frá Kornsá segir frá Sigríði Oddnýju ömmu sinni

Guðrún Björnsdóttir frá Kornsá segir frá ömmu sinni, einkadóttur Björns Blöndals sýslumanns og Guðrúnar konu hans. Sagt er frá uppeldi og ungum ástum í Húnavatnssýslu á 19. öld, en líka átakanlegum hlutum. Þegar amman, Sigríður Oddný, vildi læra að skrifa eins og bræður hennar, voru viðbrögð móður hennar þessi: „[Guðrún] leit hvasst á [dóttur sína], og spurði svo nokkuð harkalega, hvað hún ætlaði að gera með að læra að skrifa ... Vanþakklæti hennar í garð foreldranna [með þessu uppátæki] gæti ekki verið guði þóknanlegt.“
Einnig segir Guðrún Björnsdóttir frá Ingunni móður sinni, sem var stórmerkur rithöfundur.
Umsjón: Illugi Jökulsson.