36.þáttur: Pétur Pétursson

Pétur Pétursson er einn besti knattspyrnumaður Íslandssögunnar og var með eindæmum fundvís á netmöskva andstæðinganna.  Hann lék sem atvinnumaður í Hollandi, Belgíu og á Spáni og lék og æfði með mörgum frábærum leikmönnum eins og Mario Kempes og Ruud Gullit svo dæmi séu nefnd.  Hann setti markamet með uppeldisfélagi sínu ÍA á Akranesi og átti frábæran tíma með KR.  Pétur starfaði um árabil sem ljósmyndari og rak eigin ljósmyndastofu.  Hann þjálfaði kvennalið Vals árin 2017-2024 sem hampaði ófáum titlunum undir hans stjórn.  Þrátt fyrir þennan afbragðs árangur fékk hann að lokum reisupassann.  Pétur er mikill áhugamaður um tónlist og hefur látið sig dreyma um að læra hljóðupptökur, bassa- og gítarleik þó ekkert hafi enn orðið af því.