Nálastungur og bransa-sögur með Gullu

Ljósmæðurnar Stefanía Ósk og Sunna María ræða um ljósmæðratengd málefni líðandi stundar í Legvarpinu. Gestur þáttarins er Guðlaug María Sigurðardóttir ljósmóðir og eilífðarstúdent. Gulla eins og hún er kölluð, hefur verið brautryðjandi á sviði nálastungu meðal íslenskra ljósmæðra en hefur hún haldið námskeið fyrir ljósmæður hérlendis í mörg ár. Hún fjallar um fræðin á bakvið nálastungur, segir frá helstu nálastungu-meðferðum á meðgöngu, í fæðingu og sængurlegu og segir frá rannsókn sinni í meistaranámi þar sem hún kannaði áhrif undirbúningsnála á lengd fæðinga.. Förum við um víðan völl og fléttast inn sögur af nuddi, ævintýralegu ljósmæðranámi í Danmörku, stofnun 9 mánaða og upphafi 3D sónars hérlendis svo fátt eitt sé nefnt. Komið með!