Biblían á mannamáli - Hlaðvarp fyrir lífið

Halldór Lár

Trúarbrögð

Saga - Menning - Samhengi - Trú  Biblían á mannamáli er hlaðvarp, þar sem við lesum saman í Nýja testamentinu og ræðum textann á einföldu, skýru og lifandi máli. Við tengjum Gamla og Nýja testamentið; rýnum í Biblíuna með kærleikann að leiðarljósi; eigum viðtal við alls konar fólk og hressum upp á sálartetrið með góðum gullmola. Markmiðið er að gera þennan forna texta, sem hefur mótað menningu okkar og sögu, aðgengilegan fyrir alla. Tónlist: Enginn elskar eins og þú - höf. Hjalti Gunnlaugsson www.halldorlar.is biblianam@outlook.com

Dagur 75 - Musteri Heilags Anda

Velkomin í Biblían á mannamáli. Í Efesus eru Páll og hans samstarfsfólk að vinna og starfa. Árið er 54 eftir Krist. Þá gerist það í Róm, hjarta rómverska heimsveldisins, að Kládíus keisari deyr og Neró tekur við, aðeins 16 ára að aldri. Fyrstu fimm árin sem keisari, þá var Neró tiltölulega hófsamur. en það átti eftir að breytast. Á meðan þetta er að gerast er Páll í Efesus að breiða út fagnaðarerindið um Jesú Krist, með táknum og undrum. Þá berast honum slæmar fréttir frá Korintu, svo slæmar, að Páli er verulega brugðið.

Dagur 74 - Að fá Heilagan Anda?

Þessi þáttur ræðir um Pál og lærisveina hans í Efesus (Postulasagan, 19. kafli), borg sem var verslunar- og trúarmiðstöð með hið mikla og stórfenglega Artemisarhof og helga himnasteininn. Við fáum innsýn í viðbrögð borgarbúa, umbætur vegna kristinnar boðunar, fyllingu heilags anda hjá nýtrúuðum, þjálfun trúboða og hvernig safnaðarstarf breiddist út til Kólossu og annarra borga. Umfjöllunin tengir sögulegan bakgrunn, trúarlega umbreytingu einstaklinga og stofnun safnaða, með vísan til bréfa og ýmissa persóna.  Tónlist: Hjalti Gunnlaugsson Heimildir: Frank Viola, The Untold Story of the New Testament Church www.halldorlar.is

Dagur 73 - Flokkadrættir

Velkomin í Biblían á mannamáli. Í þessum þætti er fjallað um Apollós, hinn mælskumikla lærisvein frá Alexandríu sem kom til Efesus og síðar Korintu. Prískila og Akvílas fræddu hann nánar, og var honum loks boðið til Korintu að þjóna - það átti hins vegar eftir að leiða til flokkadrátta.  Sjónum er einnig beint að Páli sem kemur til Efesus, þjálfar sex samstarfsmenn og undirbýr áframhaldandi útbreiðslu fagnaðarerindisins — með sterka áminningu um mikilvægi einingar og að forðast sundrung innan safnaðarins. Tónlist: Hjalti Gunnlaugsson Heimildir: Frank Viola, The Untold Story of the New Testament Church www.halldorlar.is

Dagur 72 - Óvenjuleg kraftaverk

Velkomin í Biblían á mannamáli: Við fylgjum Páli á þriðju trúboðsferðinni (um 53–57 e.Kr.), þegar hann stofnar og styrkir kirkjur víða í Asíu og tekur mikilvægar ákvarðanir fyrir framtíð boðunarinnar. Þátturinn fjallar um þrjár lykilákvarðanir Páls — fjáröflun fyrir fátæka í Jerúsalem, þjálfun nýrra starfsmanna og áform um að fara til Rómar og áfram til Spánar. Auk þess skoðum við aðeins starfið í Efesus; óvenjuleg  kraftaverk og síð'ast en ekki síst, átök við andasæringar(sjö synir Skeva). Sagan sýnir hvernig kraftaverk, trúaruppbygging og sameining kirkjunnar breyttu samfélaginu og undirstrikar mikilvægi bænar, einingar og þjónustu innan kirkjunnar.

Dagur 71 - Sjálfshyggjan þvælist fyrir

Velkomin í Biblían á mannamáli. Þessi þáttur fjallar um Pál postula og för hans frá Korintu; samstarf við Prískilu, Akvílas, Tímóteus og Sílas; vinnu þeirra og þrautir við að stofna söfnuði Guðs ríkis. Við sjáum hvernig gyðingar ásaka Pál fyrir að brjóta lögmál þeirra en landstjórinn Gallíon neitar að taka málið og stöðvar réttarhöldin. Söfnuðurinn í Korintu er ungur og óþroskaður. Páll gagnrýnir sundrungu þeirra og sjálfshyggju, sem gerir það að verkum að þau skilja ekki dýpri hluti fagnaðarerindisins. Þættinum lýkur með för fjórmenninga til Efesus og lokum annarrar trúboðsferðar Páls.

Dagur 70 - Af hverju lét ekki blessað fólkið segjast?

Velkomin í Biblían á mannamáli: við ræðum Síðara Þessaloníkubréf Páls, skrifað um árið 51 e.Kr., og skoðum helstu efnisþætti bréfsins. Kaflarnir fjalla um misskilning varðandi endurkomu Jesú Krists; ofsóknir og hópa sem villa fyrir söfnuðinum; auk gagnrýni á þá sem vilja ekki vinna. Páll hvetur til þrautseigju og ábyrgðar í söfnuðinum. Hvernig í ósköpunum stóðts fólkið allar þessar þrengingar?

Dagur 69 - Páll safnar hári

Í þessum þætti förum við í gegnum atburði Postulasögunnar kafla 18 og fylgjum Páli í þjónustu hans í Korintu: prédikanir, mótstaða og kraftaverk, ásamt því hvernig kirkjan vex í kærleika og samfélagi við son Guðs. Við skoðum einnig þemu eins og persónulegt samband við Guð, ákvörðun Páls um nasíreaheit, og misskilning um endurkomu Drottins, sem leiðir til bréfsins sem við lesum næst. Tónlist: Hjalti Gunnlaugsson Heimildir: Frank Viola, The Untold Story of the New Testament Church

Dagur 68 - Óravíddir lífsins

Þessi þáttur ræðir hvernig Páll bregst við ofsóknum og hvetur söfnuðinn til kærleika og trausts. Hann fjallar einnig um hina kristnu von, um upprisu hinna sofnuðu og gönguna á vegi Jesú Krists. Við erum lifandi sem börn ljóss og kærleika. Hlaðvarpið tengir Ritninguna við nútímann; fjallar örstutt um nær-dauða reynslu; daglegt líf trúarinnar og boðar kraft kærleika og ljóss til að yfirstíga ótta og dauða.

Dagur 67 - Lifandi Orð sem ber ávöxt

Velkomin í „Biblían á mannamáli“. Í þessum þætti förum við yfir 2.kafla Fyrra Þessaloníkubréfs: bakgrunn Páls, ofsóknir sem hann mætti og hvers vegna eining og fjölskylduhugsun í kirkjunni skiptir svo miklu máli. Rætt er um boðskap Páls — að hann predikaði ekki til að þóknast mönnum heldur Guði — og hvernig hið lifandi orð Guðs (sjá Jóhannes 15) vinnur í hjörtum fólks; hvernig Guð sniðlar til, svo við berum meiri ávöxt kærleikans. Þátturinn tekur aðeins á fölskum kenningum og andstöðu, og endar með gleði Páls yfir vexti og kærleika í Þessaloníku: kjarninn er að elska Drottin og náungann.

Dagur 66 - Persónulegur Guð

Þessi þáttur fjallar um fyrra bréf Páls til Þessaloníkumanna (um 51 e.Kr.). Páll hvetur söfnuðinn til að halda fast við trúnna þrátt fyrir ofsóknir, sýnir eigin heiðarleika og útskýrir kraft heilags anda sem snertir hjörtu fólks. Þátturinn greinir myndina af Guði sem föður ("abba") og kirkjuna sem fjölskyldu — bræður og systur — og leggur áherslu á kærleika í verki og vonina um endurkomu Krists. Tónlist: Hjalti Gunnlaugsson

Þér gæti líka líkað...