Og allt í einu er Gylfi kominn í Víking

Það voru risastór tíðindi í íslenskum fótbolta í dag þar sem Gylfi Þór Sigurðsson skipti frá Val í Víking. Kaupverðið er um 20 milljónir króna.

Víkingur og Breiðablik lögðu fram tilboð í Gylfa sem voru samþykkt, en Víkingur hafði betur í baráttunni.

Það myndaðist ákveðin drasmatík í kringum þessi skipti en formaður Vals hefur sakað Gylfa um vanvirðingu gagnvart liðsfélögum sínum og félaginu.

Þessar fréttir auka spenninginn fyrir Bestu deildina sem hefst í byrjun apríl.

Guðmundur Aðalsteinn, Valur Gunnarsson og Víkingurinn Tómas Guðmundsson fóru yfir þessar risastóru fréttir í stuttu hlaðvarpi í dag en hægt er að hlusta á það í spilaranum hér að ofan og í hlaðvarpsveitum.