Handkastið - Bongó í Breiðholti, Vængbrotnir Framarar og Vonbrigðalið Toggu

Gestur þáttarins í Handkastinu af þessu sinni sem var í boði Altis Bæjarhrauni var hin skelegga Þorgerður Anna Atladóttir fyrrum landsliðsgella og atvinnukona.

Í þættinum fórum við yfir frestaðan leik ÍR og FH í Olís-deild karla, 7. umferð í Olís-deild kvenna auk þess sem við gerðum upp fyrstu sjö umferðirnar í kvennaboltanum.

Sérfræðingurinn valdi Úrvalslið Olís-deildar kvenna og Togga valdi Vonbrigðaliðið.

Auk þess völdum við leikmann októbermánaðar í Olís-deild karla og leikmann fyrstu umferðar í Olís-deild kvenna. Fengu þau að launum glaðning í boði Altis Bæjarhrauni.

- Benni Bongó hélt uppi dynjandi takti í Breiðholtinu þar sem FH sigraði ÍR.
- Er sæti Bjarna Fritz orðið volgt?
- Vængbrotnir Framarar töpuðu fyrir norðan
- Selfyssingar á botninum eftir N1 tapið
- Katastrófan heldur áfram hjá Stjörnunni sem tapaði illa í Hafnarfirðinum
- Stelpurnar hans Gústa Jó unnu öruggan sigur á nýliðum HK
- Úrvalslið Sérfræðingsins
- Vonbrigðalið Toggunar
- Spáð í spilin fyrir næstu umferð í Olís-deildunum
- Stuðlabergið í boði Coolbet