DAGÁLL LÆKNANEMANS // Klínísk rökleiðsla: Dularfulla bráðamóttökutilfellið

Berglind Bergmann sérnámslæknir í lyflækningum og Hildur Jónsdóttir sérfræðingur í almennum lyflækningum leiða okkur í gegnum tilfelli með klínískri rökleiðslu (e. clinical reasoning).
Þetta er annar þátturinn í undirsyrpu Dagáls læknanemans um klíníska rökleiðslu. Hildur kynnir í nokkrum bútum tilfelli sem hún kynntist í sínu sérnámi í Bandaríkjunum og eftir hvern bút eru umræður. Sólveig, Teitur og Berglind eru blinduð á tilfellið og hjálpast að við að leysa það í rauntíma. Hlustandi getur þannig tekið þátt og spreytt sig á tilfellinu með okkur. Áherslan er að hugsa vítt, koma með mismunagreiningar og læra af ferlinu. Hvað leiðir okkur í rétta átt og hvað villir sýn? Rétt greining er afhjúpuð í lok þáttarins.
Þátturinn byggir á raunverulegu tilfelli. Upplýsingum hefur verið breytt til að gera þær ópersónugreinanlegar og gæta trúnaðar.