Dagáll læknanemans: Þórir Einarsson Long - Hýpónatremía

"Dagáll læknanemans" er nýtt hlaðvarp fyrir læknanema (cc: Félag læknanema) og aðra áhugasama um hvaðeina sem viðkemur klínik og læknisfræði. Hlaðvarpið fær til sín sérfróða gesti og tekur fyrir ýmis læknisfræðileg vandamál. Í þessum þætti fer Þórir Einarsson Long sérnámslæknir í almennum lyflækningum gaumgæfilega yfir hýpónatremíu. Hvað er hýpónatremía og hvað eigum við að lesa í það að ef sjúklingur mælist með of lágt natríum? Ræðum tengsl vökvajafnvægis, natríum styrks og osmólalitets í blóði og förum yfir RAAS og ADH stýrikerfin sem hafa áhrif á þetta. Þar næst er farið kerfisbundið í klíníska nálgun og uppvinnslu á hýpónatremíu. Hvernig geta þvagvísar hjálpað okkur í þessu samhengi og hvaða mismunagreiningar liggja að baki. Ræðum muninn á bráðri og langvinnri hýpónatremíu og hvernig sé best að haga meðferð. Loks er farið yfir alvarlega fylgikvilla sem þarf að hafa í huga og Þórir segir frá natríumbjargbrúninni.
Stjórnendur Dagáls læknanemans eru Sólveig Bjarnadóttir læknanemi á 6. ári og Teitur Ari Theodórsson læknanemi á 5. ári. Dagáll læknanemans er sjálfstæð þáttasyrpa innan Hlaðvarps Landspítala.
Hlaðvarp Landspítala er aðgengilegt á vef spítalans og helstu samfélagsmiðlum, en einnig í streymisveitunum Spotify og Apple iTunes, ásamt hlaðvarpsveitum á borð við Simplecast, Pocket Casts og Podcast Addict.
SPOTIFY
SIMPLECAST
(Tónlist: "Garden Party" með Mezzoforte. Notað með leyfi frá hljómsveitinni.)