Dagáll læknanemans: Berglind Bergmann Sverrisdóttir - Uppvinnsla á hita

"Dagáll læknanemans" er nýtt hlaðvarp fyrir læknanema (cc: Félag læknanema) og aðra áhugasama um hvaðeina sem viðkemur klínik og læknisfræði. Hlaðvarpið fær til sín sérfróða gesti og tekur fyrir ýmis læknisfræðileg vandamál. Í þætti vikunnar leiðir Berglind Bergmann Sverrisdóttir, sérnámslæknir á Landspítala, hlustendur gegnum almenna uppvinnslu á hita. Hvaða mismunagreiningar eru líklegastar og hvernig er fyrstu rannsóknum er háttað? Þá færist samtalið í átt að hita án uppruna, hvernig það fyrirbæri er skilgreint og hvað ber þá sérstaklega að hafa í huga. Eftir það fer Berglind yfir hvernig hægt er að nálgast uppruna hitans og hvaða sértæku tólum er best að beita við slíka uppvinnslu.
Stjórnendur Dagáls læknanemans eru Sólveig Bjarnadóttir læknanemi á 6. ári og Teitur Ari Theodórsson læknanemi á 5. ári. Dagáll læknanemans er sjálfstæð þáttasyrpa innan Hlaðvarps Landspítala.
Hlaðvarp Landspítala er aðgengilegt á vef spítalans og helstu samfélagsmiðlum, en einnig í streymisveitunum Spotify og Apple iTunes, ásamt hlaðvarpsveitum á borð við Simplecast, Pocket Casts og Podcast Addict.
SPOTIFY
SIMPLECAST
(Tónlist: "Garden Party" með Mezzoforte. Notað með leyfi frá hljómsveitinni.)