#41 | Snorri Helgason og að halda alltaf áfram að halda áfram

· Tónlist

Snorri Helgason kom fram á sjónarsviðið með Sprengjuhöllinni fyrir um 20 árum síðan og hljómsveitin bókstaflega keyrði yfir Ísland og íslenskan tónlistarbransa misserin þar á eftir. Síðan hefur hann gefið út sjö sólóplötur sem hafa innihaldið fjölmörg vinsæl lög. 
Snorri vinnur nú að nýrri plötu og hefur fyrsta tóndæmið af henni fallið vel í kramið enda hefur lagið, sem er ábreiða af gamla Ríó tríó laginu Eina nótt, náð efsta sæti vinsældalista. Upprunalegu útgáfuna söng faðir Snorra, Helgi Pé, á sínum tíma.
Í viðtalinu talar hann um hvernig það er að vera tónlistarmaður á Íslandi í dag, merkilegan feril Sprengjuhallarinnar og eitt þeirra vinsælasta lag, Verum í sambandi, upphaf sólóferilsins og tímann þegar hann bjó í London, að læra að ná sambandi við áhorfendur, kosti og galla íslenska tónlistarbransans og það að halda alltaf áfram.
Hann talar um minnisstæða útgáfutónleika sem voru haldnir sama dag og faðir hans féll frá, um nýju plötuna, Fílalag, Borgartún, Aron, Birtu, Einsemd, Eyva, Ingileif, Stínu og Haustið '97.
Kölski - herrafataverslun - kolski.is | Procedo - Jákvæð áhrif - procedo.is.
Umsjón: Vignir Egill Vigfússon

Popparasögur

Úr hlaðvarpinu

Popparasögur

Vignir Egill Vigfússon

Allir þættir

Fleiri þættir af Popparasögur