13. The Last of Us: Part 2

Hvað þurfa hin síðustu okkar að hugsa út í? Uppvakningum með ofurheyrn? Ofbeldisfullum villimönnum? Skort á skotfærum? Öllu þessu í einu? 
Það er eiginlega staðan í tölvuleiknum The Last of Us: Part II og það sem við ætlum að ræða í þessum samstarfsþætti okkar við Elko og Elko Gaming.  
Fimm ár eru liðin frá atburðum fyrri leiks. Ellie er nítján ára gömul og þarf að takast á við nýjar áskoranir í ömurlegu landslagi Bandaríkjanna. Við kynnumst einnig nýrri persónu, Abby, en sögur þeirra tvinnast á spennandi hátt. Arnór Steinn og Gunnar ræða þennan frábæra leik á alveg spoiler-free nótum. Þeir ræða öll helstu svið spilunarinnar og mæla annaðhvort með eða á móti leiknum. 
Þorði Arnór að spila hann með heyrnartólum í myrku herbergi eins og Gunnar? Þið komist að því aðeins með því að hlusta!
Þátturinn er einnig í boði veitingastaðarins Le Kock!