Skáksögur og Birnukaffi – Ólafur S. Ásgrímsson og Jon Olav Fivelstad
Skemmtilegar skáksögur, dómaralíf og félagsskapurinn í Taflfélagi Reykjavíkur eru í fyrirrúmi þegar Kristján Örn Elíasson tekur á móti Ólafi S. Ásgrímssyni, fyrrverandi bankamanni, og Jon Olav Fivelstad, tölvunarfræðingi. Þeir eru báðir alþjóðlegir skákdómarar og hafa um árabil tekið þátt í íslensku skáklífi.
Ólafur rifjar upp eftirminnileg skákmót, kynni af stórmeisturum og tímana þegar skákir fóru í bið og greiningar héldu áfram langt fram á nótt. Meðal annars kemur við sögu óvenjustutt leigubílsferð á Húsavík og biðskák sem reyndi á þolinmæði fréttamanns. Einnig er rætt um skákklukkur, viðbótartíma og álagið sem fylgir þéttri mótadagskrá.
Birnukaffi fær sinn sess í samtalinu, en Birna Halldórsdóttir, eiginkona Ólafs, sá þar um vinsælar veitingar í húsnæði TR um árabil. Þeir félagar minnast vafflanna, tertnanna og hlýjunnar sem beið manna yfir kaffibolla, jafnvel eftir sárt tap.
Jon Olav segir frá upphafi skákáhugans í Noregi og dómgæslu á Evrópumóti heyrnarskertra í Stavanger, þar sem samskipti, túlkun og aðlögun að þörfum keppenda voru mikilvægur hluti starfsins. Þá er rætt um minningarmót Friðriks Ólafssonar og undir lokin vikið stuttlega að raforkuverði og lánamálum í Noregi og á Íslandi.
Umsjón: Kristján Örn Elíasson, alþjóðlegur skákdómari.
Fleiri þættir af Við skákborðið
- Kristján Örn Elíasson & Helgi Áss Grétarsson11. nóvember 2026
- Sveinbjörn Jónsson - skákmaður, hagyrðingur og trillukarl úr Súgandafirði21. október 2026
- Helgi Áss – TR á toppnum og stórátök fram undan í skákheiminum14. október 2026
- Hverjir fara upp? – Gauti Páll Jónsson og Gunnar Freyr Rúnarsson7. október 2026
- Björn Þorfinnsson: Ólympíuskák, Asíuveldin og skák á Íslandi1. október 2026
- Erum við í raun öll ein skákfjölskylda? - Björn Þorfinnsson, Gunnar Freyr Rúnarsson, Sigurður Þórðarson og Haukur Hauksson23. september 2026






