Neistaflug, Innipúkinn og Unglingalandsmót UMFÍ

Verslunarmannahelgin og íslensk tónlist var í hávegum höfð hjá þeim Felix og Nönnu í þætti dagsins. Þau slógu á þráðinn hjá Maríu Bóel Guðmundsdóttur sem er stödd í Neskaupsstað þar sem Neistaflug fer fram um helgina. Þá fengu þau til sín þau Kolbrúnu Óskarsdóttur og Hrannar Mána Ólafsson, Kusk og Óvita, í hljóðver en þau ætla að koma fram á Innipúkanum í kvöld.

Þar verður líka Unnsteinn Manúel og félagar í Retro Stefson en umsjónarmenn þáttarins vöktu hann með símtali í morgunsárið og fengu að heyra af stemningunni í Vestmannaeyjum þar sem hljómsveitin spilaði í gær. Svo er líf og fjör á Unglingalandsmóti UMFÍ á Sauðarkróki en Felix og Nanna heyrðu í Auði Ingu Þorsteinsdóttur sem kom að skipulagningu mótsins.