Hlaðvarp Myntkaupa

Myntkaup

Tækni

Hlaðvarp Myntkaupa er nýtt hlaðvarp sem fjallar um allt tengt bitcoin og hvað er að gerast í hinum síbreytilega heimi rafmynta. Við fáum til okkar góða gesti og fjöllum um málefni sem tengjast rafmyntum. Myntkaup er vinsælasti staðurinn fyrir Íslendinga til að stunda viðskipti með Bitcoin og aðrar rafmyntir. Rúmlega 4% Íslendinga nota Myntkaup til þess að kaupa og selja bitcoin. Þú finnur okkur á myntkaup.is eða með því að sækja Myntkaup appið í App Store eða Google Play store.

Sögulegt hrun á mörkuðum - Bitcoin undir 60k

Fjárfestar upplifa nú allsherjarhrun á gott sem öllum eignamörkuðum. Trilljónir hafa gufað upp úr bandarískum hlutabréfum, harðmálmum sömuleiðis. Áfram heldur látlaust blóðbað á rafmyntamörkuðum og gengi bitcoin er komið talsvert undir 200 vikna meðaltal. Fear and greed mælikvarðinn er undir 10 og fjárfestar spyrja sig hvert stefnir þetta eiginlega? Er AI bóla sem er sprungin eða er þetta tímabundin leiðrétting?

Nvidia hneyksli steypir mörkuðum niður - hræðsla mælist á ný öfgakennd í crypto

Undanfarnar vikur hafa einkennst af linnulausum og hrottalegum lækkunum, ekki aðeins á crypto markaðnum, heldur mörkuðum almennt. Forstjóri Nvidia, Jensen Huang, hefur gerst sekur um mikinn afleik í einkalífi sínu með ástarsambandi við meintan kínverskan njósnara. Hann hefur nú sagt af sér sem forstjóri og markaðsvirði Nvidia hefur lækkað um stjarnfræðilegar fjárhæðir meðan þetta hefur geisað yfir. Þá voru verðbólgutölur neikvæðar og virðist nú aðeins spursmál hvort næsta vaxtaákvörðun verði 25 eða 50 punkta hækkun hjá seðlabankastjóranum í USA. Þetta og margt fleira í þessum þætti.

Bandarísk hlutabréf og crypto taka væna dýfu - HYPE og fleiri myntir bætast við vöruúrval Myntkaupa!

Meira en 1000 milljarðar dollara þurrkuðust út úr bandarískum hlutabréfum á fimmtudaginn og crypto markaðurinn tók væna dýfu samhliða. Nýjar atvinnutölur komu út í USA og sýndu fram á enn sterkara atvinnulíf en spár gerðu ráð fyrir. Rykið hefur að mörgu leyti sest í Binance málinu og var farið yfir það í þessum þætti. Myntkaup kynnti til leiks þrjár nýjar myntir, þar á meðal HYPE, TAO og NEAR og var fjallað um þær.

Stærsta rán crypto sögunnar - Markaðir nötra af hræðslu

Í þessum þætti er nær eingöngu fjallað um einn stæra viðburð crypto sögunnar, en um sex milljörðum dollara var stolið af Binance, stærstu rafmyntakauphöll heims. Viðburðurinn er sögulegur fyrir margra hluta sakir og er farið yfir öll þau atriði sem fram hafa komið í þessum þætti.

Markaðir fá skell - Bitcoin berst við að halda 80k

Í þessum þætti er fjallað um það helsta sem gerðist í vikunni á mörkuðum. Meira og minna allir markaðir lækkuðu töluvert, einkum hlutabréfamarkaðir um allan heim. Bitcoin hefur sýnt þrautseigju og ljóst er að talsverður stuðningur er við 80k verðmiðann. Hvort hann haldi verður að fá að koma í ljós, en mikið útflæði úr kauphallarsjóðum í lok vikunnar setti strik í reikninginn. Þá er farið yfir helstu fréttir, þar með talið bálkakeðjuverkefni JP Morgan og HSBC.

Áhyggjur af gervigreindinni hjaðna - Útflæði heldur áfram úr kauphallarsjóðum

Í þessum þætti er farið yfir hreyfingar markaðarins. Bitcoin fór undir 80k í stutta stund en náði sér aftur yfir 80k. Verðbólga heldur áfram að aukast í Bandaríkjunum. Útflæði heldur sömuleiðis áfram úr kauphallarsjóðunum, einkum ETH. Nýjar raddir heyrast í umræðunni um gervigreind og benda á að ekki sé tilefni til óðagots. Þetta og margt fleira í þessum þætti.

Bitcoin slær aðeins til baka - Gætu framfarir gervigreindar falið í sér ógn við crypto?

Í þessum þætti er farið yfir það helsta sem gerðist síðustu viku. Vikan einkenndist af talsverðum lækkunum og eftir mikið innflæði í ágúst og september hjá kauphallarsjóðunum hefur verið töluvert útflæði úr þeim í október. Aðalfrétt vikunnar er þó án efa sú að OpenAi birti upplýsingar um að óútgefin gervigreind á vegum þeirra hefur náð áður óhugsandi árangri við að leysa stærðfræðivandamál sem mönnum hefur ekki tekist að leysa. Í kjölfarið hafa vaknað áhyggjur um hvort gervigreind gæti leyst þá dulritun sem verndar cryptoveski. Rætt er talsvert um þetta og margt fleira í þessum þætti.

Bitcoin heldur velli yfir 80k - Ekkert lát á innflæði kauphallarsjóða

Árið einkenndist framan af af útflæði rafmyntakauphallarsjóðanna. Eftir látlaust innflæði undanfarið upp á fleiri milljarða dollara eru þeir nú komnir í nettó innflæði. Að öðru leyti var fremur tíðindalítið á rafmyntamörkuðum. Táknvæðing verðbréfa heldur áfram af fullum þunga. Einnig var farið yfir nokkrar makró efnahagstölur og margt fleira.

Meira en milljarður dollara flæðir inn í kauphallarsjóðina á einum degi

Mánudagurinn sá mesta innflæði á einum degi í rafmyntakauphallarsjóðina síðan október 2025. Tæplega milljarður dollara flæddi inn í BTC kauphallarsjóðina og um 270 milljónir dollara í ETH sjóðina. Í kjölfarið náði BTC yfir 87k og ETH yfir 2700$. Táknvæðing heldur áfram að gegna aðalhlutverki í umræðunni og nýjar fréttir um samstarf stórra aðila vekja athygli. Þá valdi Björn einnig skemmtilega bók í hinu mánaðarlega bókahorni. Þetta og margt fleira í þessum þætti.

Clarity frumvarpinu hafnað, stýrivextir hækkaðir í USA - Bitcoin segir "og hvað með það?"

Síðastliðinn þriðjudag voru greidd atkvæði um framgang Clarity frumvarpsins í Öldungardeildinni, þ.e. hvort það yrði tekið í efnislega meðferð og færi síðan í atkvæðagreiðslu um hvort það yrði að lögum. Frumvarpið þurfti 60 atkvæði en fékk aðeins 49. Í vikunni hækkuðu stýrivextir í USA einnig um 25 punkta og eru nú 3,75-4%. Einnig frestuðust samningaviðræður í Óman vegna Hormússundsins, en markaðurinn hafði bundið vonir við að lausn væri í sjónmáli. Hins vegar tilkynnti SEC afgerandi undanþágur til fimm ára fyrir crypto iðnaðinn vegna táknvæddra verðbréfa og ekki er annað að sjá en að markaðurinn hafi litið það svo jákvæðum augum að allt sem á undan var nefnt hafi verið léttvægt fundið af fjárfestum.

Þér gæti líka líkað...