Íþróttafólk og auglýsingar

Þótt alþjóða ólympíunefndin hafi ávallt verið ströng þegar kemur að auglýsingum urðu nokkrar breytingar á þessum leikum. Samningar íþróttafólks við fyrirtæki verða sífellt fleiri og stærri, líka á Íslandi. Rætt er við afreksstjóra ÍSÍ í þætti dagsins og framkvæmdastjóra auglýsingastofunnar Pipar\TBWA. Þau segja bæði að samningar íþróttafólks og fyrirtækja geti verið farsæl blanda. Annars vegar sé þetta mikilvæg tekjulind og hins vegar sé íþróttafólk góðar fyrirmyndir sem fyrirtæki vilji tengjast.