Höfða mál svo ástvinir fái að deyja í friði

Hópur aðstandenda á Sóltúni ætlar að stefna íslenska ríkinu út af byggingarframkvæmdum við hjúkrunarheimilið. Einar Stefánsson augnlæknir segir að heimilisfólk á Sóltúni eigi rétt á því að fá að verja síðustu mánuðum sínum og árum í friði frá hávaða undan byggingaframkvæmdum.

Aðstandendurnir telja að með framkvæmdunum sé verið að brjóta gegn mannréttindum heimilisfólksins. Framkvæmdirnar eiga að standa yfir í tvö ár. Stefna í málinu verður þingfest í febrúar segir lögmaður hópsins.

Forstjóri Sóltúns harmar málshöfðunina og segir neyðarástand ríkja á Íslandi vegna skorts á hjúkrunarrýmum og byggja þurfi fleiri.

Umsjón: Ingi Freyr Vilhjálmsson