Ásókn erlendra dýragarða í íslenska lunda

Dýragarðar í Singapúr og Japan hafa reynt að fá íslenska lunda senda til sín í gegnum árin.

Nú síðast í febrúar á þessu ári reyndi verslunarráð í Hokkaido-héraði að fá íslenska lunda.

Árið 2010 reyndu yfirvöld í Singapúr að fá 200 íslenska lunda senda sem til stóð að hafa í sérstöku heimskautagerði í dýragarði, segir Össur Skarphéðinsson, fyrrverandi utanríkisráðherra.

Þessum beiðnum er yfirleitt alltaf hafnað.

Erpur Snær Hansen starfar hjá Náttúrufræðistofu Suðurlands og er sérfræðingur í lundum. Hann segir að það sé tvískinningur fólginn í því að þessum beiðnum sé hafnað og að um 25 þúsund lundar séu drepnir á Íslandi á hverju ári.

Umsjón: Ingi Freyr Vilhjálmsson