Guðmundur Lúðvík hönnuður / Svipmynd
Í Víðsjá dagsins munum við tala um stól. Hvað gerir góðan stól, hvernig hannar maður stól og hvernig fer hann í framleiðslu? „ Stóllinn þarf að vera hæglátur og hógvær, og bara virka.Hann má ekki öskra; hér er ég og sjáið mig. Því ef það standa hundrað stólar í rými og allir eru að öskra og æpa þá verða svo mikil læti.“ Þetta segir Guðmundur Lúðvík sem var á dögunum tilnefndur til Hönnunarverðlauna íslands fyrir Backflip stólinn sem hann hannaði í samstarfi við danska hönnunarfyrirtækið HAY. Og það má segja að hér lýsi hann hinni skandinavísku fagurfræði sem hófst dönsku módernistunum þar sem notagildi, einfaldleiki og efnisval skiptir öllu máli. Guðmundur Lúðvík hefur búið og starfað í Danmörku frá aldamótum, þar sem hann lærði hönnun við konunglegu akademínuna. Áður hafði hann lært smíði og myndlist hér heima.
Guðmundur Lúðvík er gestur Víðsjár í Svipmynd og segir frá áhuga sínum á fellistólum sem hófst þegar hann var í vinnunni með mömmu sinni tíu ára gamall. Við ræðum einnig menntunina sem var allskonar, fyrirmyndir úr fjölskyldunni, danskan hönnunarheim og lífið í Vejle.
Fleiri þættir af Víðsjá
- Fullkomnun (frh.), Hrafnkell Sigurðsson og Hjá Leyningsvötnum/rýni19. nóvember 2026
- Fullkomnun e. Vincenzo Latronico/ Svipmynd af bók18. nóvember 2026
- Fullkomnun e. Vincenzo Latronico/ Svipmynd af bók18. nóvember 2026
- Erla Þórarinsdóttir í Listval, Grettissaga, Natasha S.17. nóvember 2026
- Erla Þórarinsdóttir í Listval, Grettissaga, Natasha S.17. nóvember 2026
- KOK sýningarstjórnun, Tom Waits, Enginn deyr í Ikea/rýni16. nóvember 2026