X:26 - Höfnin, húsnæðið og fjárhagurinn vega þungt í Bolungarvík

Hafnarmál, húsnæðisuppbygging og ábyrg fjármálastjórn eru meðal stærstu viðfangsefna Bolungarvíkur fyrir komandi sveitarstjórnarkosningar, ef marka má viðtal við oddvita framboðanna tveggja í bænum.
Þeir Guðfinnur Ragnar Jónsson, oddviti K-lista Máttar meyja og manna, og Kristján Jón Guðmundsson, oddviti O-lista Betri Bolungarvíkur, eru sammála um margt sem snýr að grunninnviðum og framtíð bæjarins, þótt þeir leggi ólíka áherslu á rekstur og hlutverk sveitarfélagsins.