X26 - Stór verkefni bíða Strandabyggðar

Strandabyggð stendur frammi fyrir stórum ákvörðunum á komandi kjörtímabili þar sem saman fara þröng fjárhagsstaða, húsnæðisskortur, orkumál, atvinnuuppbygging og mögulegar sameiningarviðræður.
Þrjú framboð bjóða fram í Strandabyggð fyrir sveitarstjórnarkosningarnar í vor. Þorgeir Pálsson, sveitarstjóri, leiðir T-lista Strandabandalagsins, Sigurbjörn Rafn Úlfarsson fer fyrir B-lista Framsóknarmanna og óháðra og Hrafnhildur Þorsteinsdóttir leiðir G-lista Vegvísi.
Sveitarfélagið varð til árið 2006 við sameiningu Hólmavíkurhrepps og Broddaneshrepps. Þar búa um 440 manns og liggur fyrir að ný sveitarstjórn mun þurfa að takast á við umfangsmikil verkefni.