39. Gervigreind og bókhald 2 - Erla hjá Bella Books

Þátturinn er í boði ChatGPTnamskeid.is
Í þessum þætti af Gervigreindarklúbbnum fær Stefán Atli í heimsókn Erlu Símonardóttur, stofnanda Bella Books AI, sem er að þróa gervigreindarlausn sem sjálfvirknivæðir bókhald fyrir eldri bókhaldskerfi.
Erla segir frá rúmlega 20 ára reynslu sinni úr bókhaldi og fjármálastjórnun, meðal annars hjá Deloitte, sem rekstraraðili eigin bókhaldsstofu og sem fjármálastjóri. Hún útskýrir hvernig hugmyndin að Bella Books AI varð til eftir margra ára umræður um hvers vegna bókhald væri enn svona handvirkt – og hvernig gervigreind getur nú tekið yfir tímafrek verkefni án þess að fórna mannlegu eftirliti.
Í þættinum ræða þau meðal annars:

Hvernig Bella Books AI lærir af bókaranum og sjálfvirknivæðir bókun reikninga.
 Af hverju eldri bókhaldskerfi hafa átt erfitt með að innleiða gervigreind.
 Hvernig AI mun breyta starfi bókara á næstu árum.
 Ferðalag Bella Books AI í Startup Supernova og áformin um að stækka til Þýskalands og Evrópu.
 Hvernig Erla nýtir Claude, ChatGPT og aðra gervigreind í sinni eigin vinnu á hverjum degi.

Þetta er þáttur fyrir alla sem starfa við bókhald, fjármál, rekstur eða hafa áhuga á því hvernig gervigreind er að umbreyta einum hefðbundnasta geira atvinnulífsins.