Auður Elísabet Jóhannsdóttir hjúkrunarfræðingur um IFS, okkar innri parta, pendúl taugakerfisins, sögu Þráins Þorvaldssonar og ýmislegt fleira
Auður Elísabet starfaði lengi sem hjúkrunarfræðingur, meðal annars á Kvennadeild Landspítalans þar sem hún vann með fólki í erfiðum og djúpum aðstæðum frá vöggu til grafar. Snemma í námi sínu kynntist hún dáleiðslu, sem opnaði augu hennar fyrir því að maðurinn er meira en bara hugur og líkami, andlegi þátturinn skiptir sömuleiðis miklu máli.
Í þættinum ræðir Auður Elísabet um heildræna nálgun á heilsu, pendúl taugakerfisins og sjálfsrækt. Hún kynnir IFS-líkanið (Internal Family Systems), sem snýst um að mæta innri pörtum og gömlum áföllum af samkennd og kærleika.
Hún deilir einnig með okkur merkilegri sögu Þráins Þorvaldssonar sem sýndi mikið hugrekki eftir krabbameinsgreiningu. Í stað þess að fara beint í skurðaðgerð kaus hann að bíða, minnka streitu og breyta mataræði og vera í virku eftirliti.
Auður leggur ríka áherslu á að einstaklingar séu í bílstjórasætinu í eigin heilsuvegferð (t.d. með virku eftirliti), og undirstrikar mikilvægi rótarlækninga og lífsstílsbreytinga frekar en að meðhöndla einungis einkenni.
Hún vinnur nú að meistaraverkefni við Háskólann á Akureyri þar sem hún rannsakar reynslu kvenna og svigrúm þeirra til ákvarðanatöku þegar þær greinast með brjóstakrabbamein á byrjunarstigi.
❤️ Samstarfsaðilar Heilsuhlaðvarpsins
🥩 Kjarnafæði – íslenskar kjötvörur og gömlu góðu uppskriftirnar, meðal annars lifrarpylsa og sviðasulta án óþarfa aukaefna - kjarnafaedi.is
🛒 Nettó – frábær tilboð alla daga - mikið úrval af lífrænum vörum og hollustuvörum - netto.is
🥛 Bíóbú – íslenskar lífrænar mjólkurvörur með meira af góðum fitusýrum - búskapur sem setur heilsu lífríkis jarðar í fyrsta sætið - biobu.is
🌱 Greenfit – heilsumælingar, rauðljós, súrefnisklefi, kuldaklefi með meiru - greenfit.is
Fleiri þættir af Heilsuhlaðvarp Lukku & Jóhönnu Vilhjálms
- Máttur kjötsoðsins – Getur það hjálpað við bólgum og meltingarsjúkdómum? | Melting | Histamín | Omega-3 | Innmatur | Salt | Kolbrún Björnsdóttir grasalæknir16. nóvember 2026
- Tónheilun og tíðni - Getur verið að hljóð hafi meiri áhrif á okkur en við gerum okkur grein fyrir? – Vala Sólrún Gestsdóttir9. nóvember 2026
- Áhrif þunglyndislyfja á fósturþroska - Þórður Þórarinn Þórðarson nýburalæknir. Ný íslensk rannsókn - Áhrif á nýbura | Öndunarerfiðleikar | Upplýst samþykki26. október 2026
- Að hámarka heilsuna | Elvar og Hilmar Leonardssynir | Læknir og sjúkraþjálfari fara sínar eigin leiðir og ögra hefðbundnum hugmyndum19. október 2026
- Höfum við einblínt um of á hitaeiningar? Hvað gerist í raun inni í líkamanum? | Insúlín, hvatberar og fitubrennsla | Kristján Þór Gunnarsson heimilislæknir13. október 2026
- Kannabis til lækninga - Vísindin, þúsundir sjúklinga og reynslan af notkun kannabis í meðferð erfiðra sjúkdóma | Dr. Bonni Goldstein5. október 2026
