S307: Öxin hennar Hildar, Alþýðusambandið og meintur miðjuflokkur
Vegna tæknilegra örðugleika er hlaðvarpið seint á ferðinni þessa vikuna. Í fyrri hluta þáttar mættu til Þórðar Snæs og Þórhalls Vals þær Bjarnveig Birta Bjarnadóttir og Regína Ásvaldsdóttir úr borgarstjórnarhópi flokksins. Þær höfðu ýmislegt að segja um uppsagnir Reykjavíkurborgar, enda með fjölbreyttan bakgrunn úr rekstri. Framsóknarflokkurinn var afhjúpaður sem stækur hægri íhaldsflokkur og rekstur Reykjavíkurborgar var krufinn af fagmanni í rekstri sveitarfélaga, líklega í fyrsta sinn í sögu íslenskra hlaðvarpa.
Í síðari hluta þáttarins kom Georg Páll Skúlason, nýkjörinn forseti Alþýðusambands Íslands, í viðtal til Þórhalls Vals og Arnars Þórs. Hann fór yfir feril sinn í verkalýðsmálum, hver hann er og hvað hann hefur fram að færa auk þess að tíunda hvaða framtíð hann sér Alþýðusambandið sigla inn í með sjálfan sig við stýrið. Þeir ræddu hvaða samlegð er með sterkum jafnaðarflokki og verkalýðshreyfingunni, hvernig þessi öfl geta snúið bökum saman og náð árangri fyrir íslenska alþýðu. Stemningin á nýliðnu þingi ASÍ var krufin og hvernig sameina þurfi hreyfinguna. Þá var hinni klassísku spurningu velt upp: Hvernig virkjum við fólk til þátttöku í verkalýðsbaráttu og stjórnmálum?
Fleiri þættir af Kratinn
- S310: Liðhlaupi, sleggjan virkar og skoðanir ungra manna á hinu og þessu20. nóvember 2026
- S309: Gervihagræðingarhópur, farsahöfundurinn Sigurður Ingi og menntamál13. nóvember 2026
- S308: Ýkt hægrisveifla, fæðingarorlofsmál og nýi Pírataflokkurinn6. nóvember 2026
- S306: Er ofurkonan að örmagnast?23. október 2026
- S305: Jafnaðarstefnan kjörnuð og drottningarviðtal við Guðmund Ara16. október 2026
- S304: Kolbrún Bergþórsdóttir í viðtali við meintan fjölmiðil9. október 2026






