Róttæk samfélagsumræða. Við Rauða borðið er rætt um málefni dagsins, hagsmunamál almennings, samfélagið sem við eigum saman og hvernig við getum byggt það upp á grunni réttlætis, mannvirðingar, jöfnuðar og samkenndar.

Laugardagur 21. nóvember Helgi-spjall: Ómar Stefáns II

Föstudagur 20. nóvember Vikuskammtur: Vika 47 Þau koma að Rauða borðinu, Salma Björk Önnudóttir, formaður Ungliðahreyfingar Miðflokksins, Anna Þóra Björnsdóttir aka Sjáðanna, kaupkona og uppistandari, Steinunn Ólína Hafliðadóttir myndlistarkona, Þrándur Þórarinsson málari og Guðmundur Hrafn Arngrímsson landslagsarkitekt og ræða við Gunnar Smára um fréttir vikunnar sem einkenndust af kossum, flokkaflakki, leiðtogafundum, deilum og lokun rafmagns.

Fimmtudagur 19. nóvember Evrópa, þrír pólar, lögfræði, trans, háskólar, bíó, Balí og ópera Eiríkur Bergmann prófessor ræðir við Gunnar Smára um áhrif af kosningaósigur Trump og MAGA-hreyfingarinnar á stjórnmál á Evrópu, ekki síst uppgang ysta hægrisins. Gunnar Smári ræðir við Hilmar Þór Hilmarsson prófessor um fund þeirra Trumo, Xi og Putín. Voru þeir að skipta með sér heiminum? Gísli Tryggvason lögmaður ræðir lagaleg álitamál í fréttum líðandi stundar í samtali við Björn Þorláks. Kossar opinberra starfsmanna,náttúrugjald, dánaraðstoð og fleira ber á góma. Elías Rúni bjó til teiknimyndasögu um kynskiptiaðgerð sína og það marga sem henni tengist. Hann segir Gunnari Smára söguna. Það var allt vitlaust á Bifröst fyrir skömmu en nú er komið dúnalogn og háskólinn virðist á flugi. Ólína Kjerúlf Þorvarðardóttir rektor útskýrir fyrir Gunnari Smára hvað góður háskóli er. Heimsþekktur leikari og helstu stórstjörnur Íslands leika í kvikmyndinni Hafið er svart, sem Baldvin Z og Matthías Tryggvi Haraldsson hafa unnið að um árabil. Í viðtali við Ásdísi Olsen segja þeir félagar frá þessu ástríðuverkefni sínu. Við lítum við á grænum, heitum og sólríkum slóðum, nánar tiltekið á Bali þar sem miðaldra ævintýragjarnir Íslendingar eru í ævintýraferð.. Róbert Marshall leiðir hópinn ásamt eiginkonu sinni, Brynhildi Ólafsdóttur. Brynhildur Guðjónsdóttir leikhússéní og Gunnar Björn Jónsson söngvari ræða stofnun óperunnar og fyrstu uppfærsluna fram undan í samtali við Björn Þorláks. Um meiriháttar menningarleg straumhvörf er að ræða að þeirra sögn.

Miðvikudagur 18. nóvember Öldrunarþjónusta, gervigreind, geðlæknir, trans, tónlist og Geir Ólafs Sigrún Huld Þorgrímsdóttir, sérfræðingur í öldrunarhjúkrun, ræðir við Ásdísi Olsen um nýja hugsun í öldrunarþjónustu þar sem kærleikurinn er kjarninn og lífsgæði fólks leiðarljósið. Þorsteinn Siglaugsson heimspekingur og hagfræðingur og Hanna Kristín Skaftadóttir dósent og fagstjóri forystu og gervigreindar á Háskólanum á Bifröst ræða við Gunnar Smára um gervigreind, einkum hvaða áhrif hún hefur á stéttaskiptingu. Ólafur Ævarsson geðlæknir ræðir starf geðlæknisins, greiningar, meðferðir, horfur. Ólafur stendur á persónulegum tímamótum, hann lauk störfum fyrir nokkrum dögum. Björn Þorláks ræðir við hann. Reyn Alpha Magnúsdóttir, forseti Trans Íslands, er gestur Örnu Magneu Danks í nýjum lið við Rauða borðið um málefni hinsegin fólks. Atli Ingólfsson tónskáld, Hanna Dóra Sturludóttir prófessor og söngkona, Eyþór Ingi Jónsson organisti kórstjóri og Bergljót Kristjánsdóttir íslenskufræðingur segja Gunnari Smára frá tónleikum á sunnudaginn, stöðu nýrrar tónlistar, hrekksemi og fleira. Geir Ólafs söngvari heimsækir Gunnar Smára og fræðir hann um tónlist og söng.

Þriðjudagur 17. nóvember Húsnæðiskrísa, dýravelferð, ADHD, stjúptengsl, Grettla og tónlist Fasteignamarkaðurinn er helfrosinn, bankar eru farnir að kaupa óseldar íbúðir af verktökum og merki um örþrifaráð í bransanum. Páll Heiðar Pálsson fasteignasali ræðir við Björn Þorláks. Rósa Líf Darradóttir læknir og formaður Samtaka um dýravelferð á Íslandi ræðir blóðmerarald í samtali við Björn Þorláks. Ásdís Olsen ræðir við Hrannar Björn Arnarson um ADHD. Valgerður Halldórsdóttir ræðir við Ásdísi Olsen um stjúptengsl. Torfi Túliníus og Guðvarður Már Gunnlaugsson fræðimenn ræða við Björn Þorláks vegna málþings um Grettis sögu. Furðu margt í sögunni kallast á við samtímann. Páll Guðmundsson, kenndur við Húsafell, og Hilmar Örn kórstjórnandi ræða sérstakan tónlistarviðburð á morgun þar sem leikið verður á framandi hljóðfæri. Björn Þorláks ræðir við þá félaga.

Mánudagur 16. nóvember Framsókn, yfirheyrsla, dánaraðstoð, hagspá og hernám Lilja Dögg Alfreðsdóttir formaður Framsóknarflokksins er gestur Sigurjóns. Þau ræða um stjórnmál dagsins. Um Framsóknarflokkinn og eins gagnrýni hans á núverandi ríkisstjórn. Formaður Bændasamtakanna, Trausti Hjálmarsson, hefur verið gagnrýndur harðlega síðustu daga vegna ummæla hans og afstöðu til Stjörnugríss. Hafa margir sakað hann um að verja dýraníð. Björn Þorláks yfirheyrir formanninn. Skiptar skoðanir eru um dánaraðstoð hér á landi en mikill meirihluti landsmanna vill heimila hana að sögn Ingrid Kuhlman sem berst fyrir lögleiðingu. Um viðkvæmt mál er að ræða sem á sér margar hliðar. Björn Þorláks ræðir við Ingrid. Hagfræðingarnir Erna Björg Sverrisdóttir hjá Arion og Una Jónsdóttir hjá Landsbanka ræða við Gunnar Smára um efnahagshorfur, vexti, verðbólgu og stöðu atvinnulífsins. Leifur Reynisson sagnfræðingur hefur skrifað bók um hernámsárin byggða á heimildum en ekki síður munnlegum frásögnum fólks sem þá voru börn. Gunnar Smári ræðir við Leif.

Synir Egils 15. nóv - Gervigreind og almenn heimska, biðlistar, efnahagskrísa og sveiflur í pólitík
Sunnudagurinn 15. nóvember Synir Egils: Gervigreind og almenn heimska, biðlistar, efnahagskrísa og sveiflur í pólitíkinni Við ræðum fréttir vikunnar og stöðu samfélagsins við góða gesti; fyrst koma þau Ingibjörg Isaksen þingkona Framsóknar, Gísli Freyr Valdórsson hlaðvarpari og Sanna Magdalena Mörtudóttir borgarfulltrúi og ræða helstu fréttir og stöðu mála í samfélaginu okkar og heiminum. Síðan kemur Ragnar Freyr Ingvarsson læknir og ræðir við okkur um biðlista í heilbrigðiskerfinu, áhrif á fólk, kerfið og samfélagið og hvað gæti verið til bóta. Í lokin fara þeir bræður, Sigurjón Magnús og Gunnar Smári, yfir pólitíkina með sínu nefi.

Laugardagur 14. nóvember Helgi-spjall: Ómar Stefáns Ómar Stefánsson myndlistarmaður, satanisti, galdramaður og guðspekingur segir frá lífi sínu og list, dauða sínum og öðru dundi.

Föstudagur 13. nóvember Vikuskammtur: Vika 46 Þau koma að Rauða borðinu, Rósa Líf Darradóttir læknir og dýravinur, Grace Achieng stofnandi og framkvæmdastjóri House of Grace, Kjartan Orri Þórsson Miðausturlandafræðingur og Riitta Anne Maarit Kaipainen, viðskiptafræðingur og stjórnarkona hjá VG og VGR og ræða við Gunnar Smára um fréttir vikunnar sem einkenndust af framhjáhaldi, njósnum, illri meðferð og snjókomu.

Fimmtudagur 12. nóvember Uppljóstrari, Grindavík, reynsluboltar, fyrirgefningin og kommúnulíf Einar Logi Pétursson dýra-aðgerðasinni segir Gunnari Smára frá því hvers vegna hann braust inn í svínabúið Stjörnugrís, hvað hann sá og hverju hann vill áorka með uppljóstrun sinni. Hvað segja Grindvíkingar þremur árum eftir hamfarirnar þegar uppkaupatilboð á húsnæði hafa verið kynnt? Björn Þorláks ræðir við Pál Val Björnsson. Sigurjón Magnússon fær til sín í fréttaspjall Steingerði Steinarsdóttur, Guðmund Þ. Ragnarsson og Sigga Storm í þættinum Reynsluboltar. Séra Vigfús Bjarni ræðir fyrirgefninguna, Ásdís Olsen ræðir við hann. Ásdís Olsen kynnir sér kommúnulífsstíl á Suðurlandi.

